«Кел, балалар, оқылық» 20 минуттық оқу жобасы

Мемлекет басшысы Қасым-Жомарт Тоқаевтың Ұлттық қоғамдық сенім кеңесінде берген тапсырмасына сәйкес Қазақстан Республикасы Білім және ғылым министрлігі «Оқуға құштар мектеп» жобасын бекітті. Ұлттың рухани және интеллектуалды ілгерілеуінің құралы ретіндегі оқылым іс-әрекетіне балаларды және жастарды тартуда «Оқуға құштар мектеп» жобасының үлесі маңызды болмақ.

«Кітап оқуға құштар мектеп» жобасының мақсаты: білім алушылардың кітап оқу мәдениетінің және кітап оқу белсенділігінің деңгейін арттыру, оқушылар, педагогтер және ата-аналар арасында кітап оқуды танымалдандыруға жағдай жасау.

 «Оқуға құштар мектеп» жобасы аясында «Кел, балалар, оқылық» 20 минуттық оқу жобасы біздің мектепте де бастау алып үзіліс кезінде сыныпта оқушыларға арналған кітапхана бұрышынан кез келген өздеріне ұнаған оқулықты алып, сыныптастарымен оқып, сабаққа қажетті деректерді оқиды.