Бүгін мектебіміздің дене шынықтыру бірлестігінің және "Тараз" кәсіпқой футбол клубының ұйымдастырумен 3,4,5 сынып оқушылар арасында кіші футболдан мектеп біріншілігі өтті. Іс-шараның мақсаты жас жеткіншектер арасында салауатты өмір салтын ұстану. Іс-шара 25 сәуір "футбол" күніне орай ұйымдастырылды. Іс-шара соңында 1,2,3 орын алған командаларға диплом мен кубок табыс етілді.

   Мектеп-гимназия директоры Жаманова Гульпаш Рамазанқызы аудандық, облыстық, республикалық деңгейіндегі түрлі байқауларға қатысып, жүлделі орын алған мектеп ұстаздарын құттықтап, диплом, сертификаттарын табыс етті.  

       Директордың оқу-әлістемелік ісі жөніндегі орынбасары Ө.Алданбекова "Тиімді сабақ жоспарлау, бақылау және рефлексия" тақырыбында коучинг өткізді. Коучингтің мақсаты мұғалімдерге тиімді сабақты қалай жоспарлау, әзірлеу керек екендігі туралы ұсынымдар беру, таныстыру.

   Мектеп-гимназия директоры Г.Жаманова педагог қызметкерлерді 2015 жылғы 18 қарашадағы ҚР-ның "Сыбайлас жемқорлыққа қарсы іс-қимыл туралы" заңына сәйкес қаржы жинамау туралы тармақтарымен және антикоррупциялық стандарттық жобасымен таныстырды. 

        Халықаралық "Ақ бота" марафонына мектебімізден 87 оқушы қатыстырылып, нәтижесінде 63 оқушы жетістікке жетіп, дипломмен мараппатталды.

    №1 мектеп-гимназиясының химия пәні мұғалімі Сарсенбаева Лаура аудандық "Жаңа мектепке - жаңашыл ұстаз" атты жас педагогтар байқауына қатысып, бас жүлде жеңіп алды. Аталмыш байқаудың облыстық кезеңіне қатысып, ІІ дәрежелі диплом алып, Республикалық кезеңіне жолдама алды.

       Мектебімізде "Ұлыстың ұлы күні, Наурыз" мерекесіне байланысты бірнеше іс-шаралар ұйымдастырылды. Атап айтқанда, мектеп ауласына тал отырғызу, оқушылар арасында ұлттық ойын түрлерінен жарыс ұйымдастырылды. Іс-шара барысында ата-аналар мерекелік "Наурыз көже" дайындап мектеп оқушылары мен ұстаздарға мерекелік дастарған әзірледі. Мектеп басшысы Г.Р.Жаманова және ардагер ұстаздарымыз оқушылар мен ата-аналарға бата-тілектерін айтып, алғыс білдірді!!!

       Байзақ ауданы "Балалар шығармашылығы және тәрбие орталығының" ұйымдастырумен өткен "Жаңа заман, жаңа салт-дәстүрді талап ете ме?" атты аудандық пікірсайысқа мектебіміздің атынан "Жас ұрпақ" және "Екі есе қауіп" командалары қатысты. Пікірсайыс қорытындысы бойынша "Екі есе қауіп" ІІ орын, "Үздік спикер", "Жас ұрпақ" командасы алғыс хатпен марапатталды. Командаларды дайындаған тарих пәнінің мұғалімі Садықова Айжан Джумабаевна.  

          №1 мектеп - гимназиясында Елбасының «Болашаққа бағдар: рухани жаңғыру» бағдарламасы бойынша жоспарланған іс-шаралар тізбесіне сәйкес, «100 кітап» жобасы аясында, үстіміздегі жылғы 20 наурыз күні кітапханашылардың ұйытқы болуымен Ғ.Мұратбаев атындағы гимназиясы, №1, Сарыкемер, Н.Киікбаев мектеп-гимназиялары мен Ю.Гагарин орта мектебі және Қосақ негізгі мектебі кітапханашылары арасында "Ең үздік кітап оқитын мектеп" тақырыбында аймақтық байқау ұйымдастырылды.  

     Мектебімізде қамқоршылық кеңес отырысы өтті. Күн тәртібінде мектеп инспекторының Қамқоршылық кеңес алдындағы есебі тыңдалды. Екінші мәселе білім беру ұйымында спортты дамыту, дарынды оқушыларды қолдау көрсетудің нәтижелері. Аз қамтылған, көп балалы отбасынан шыққан оқушыларға әлеуметтік қолдау көрсету мәселелері. Ағымдағы мәселелер қаралды.